Баянтээг түлш ХХК-ийн 2024, 2025 оны эхний 10 сарын санхүүгийн үйл ажиллагаанд шалгалт хийсэн тухай

Аймгийн төсвийн ерөнхийлөн захирагчийн дэргэдэх дотоод аудитын хороогоор батлуулсан 2025 оны хяналт шалгалтын төлөвлөгөө, Санхүүгийн хяналт, дотоод аудитын газрын даргын 2025 оны 09 дүгээр сарын 10-ны өдөр баталсан 29/23 дугаар удирдамжийн дагуу орон нутгийн өмчит Баянтээг түлш ХХК-ын 2024, 2025 оны эхний 8 сарын санхүүгийн үйл ажиллагаанд хяналт шалгалт хийхэд Баянтээг түлш ОНӨХХК нь 2024 он болон 2025 оны эхний 10 сарын байдлаар үндсэн үйл ажиллагаагаа явуулаагүй, аймгийн ОНХСангаас агаарын бохирдлыг бууруулах ажлын хүрээнд түлшний үнийн зөрүү санхүүжилтийг авч 478,918,026.25 (дөрвөн зуун далан найман сая есөн зуун арван найман мянга хорин зургаан төгрөг, хорин таван мөнгө) төгрөгийн хөрөнгийн болон урсгал зардал гаргаж, үр ашиггүй ажилласан байна.

Санхүүгийн тайлангаас харахад 2025 оны 11 дүгээр сарын 19-ний өдрийн байдлаар  920,075,970 (есөн зуун хорин сая далан таван мянга есөн зуун далан) төгрөгийн өглөгтэй, 635,974,575,75 (зургаан зуун гучин таван сая есөн зуун далан дөрвөн мянга таван зуун далан таван төгрөг, далан таван мөнгө) төгрөгийн хуримтлагдсан алдагдалтай гарчээ.