Бат-Өлзий сумын Соёлын төвийн 2024 оны санхүүгийн үйл ажиллагаанд хяналт шалгалтыг хийж гүйцэтгэлээ.

Аймгийн Засаг даргаар батлуулсан 2025 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2025 оны 05 дугаар сарын 02-ны өдөр баталсан 29/10 дугаар удирдамжийн дагуу Бат-Өлзий сумын Соёлын төвийн  2024 оны санхүүгийн үйл ажиллагаанд хяналт шалгалтыг хийхэд байгууллагын санхүү, нягтлан бодох бүртгэлийн үйл ажиллагаа хэвийн явагдаж, санхүүгийн мэдээ тайланг хугацаанд гарган, харилцагч байгууллагуудтай тооцоо нийлсэн актыг үйлдэн, өмч хөрөнгийн тооллогыг хугацаанд нь явуулж, бараа материалын болон үндсэн хөрөнгийн үлдэгдэлд тооцоо бодон баталгаажуулан ажиллаж ирсэн сайн талууд байгаа боловч албан хаагчдын ээлжийн амралтын мэдэгдлийг буруу бичдэг, анхан шатны баримт дутуу бүрдүүлсэн, шилэн дансанд харилцагч байгууллагуудтай байгуулсан гэрээг байршуулаагүй, дотоод хяналтын зураглал байхгүй, эрсдэлд суурилсан дотоод хяналтын төлөвлөгөө гарган батлуулаагүй, байгууллагын дарга тушаалын хавсралтад өөрийн нэрийг оруулан урамшуулал авсан зэрэг нь хууль шийдвэрийн талаарх ойлголт болон санхүүгийн талаарх мэдлэг мэдээлэл тааруу, байгууллагын санхүүгийн үйл ажиллагаанд тавих дотоод хяналт сулаас эдгээр зөрчлүүд гарсан байна гэж дүгнэлээ.

Энэ удаагийн шалгалтаар анхан шатны баримттай холбоотой 4,966,800 (дөрвөн сая есөн зуун жаран зургаа мянга найман зуу) төгрөгийн, байгууллагын дарга тушаалын хавсралтад өөрийн нэрийг оруулан 485,100 (дөрвөн зуун наян таван мянга нэг зуу) төгрөгийн урамшуулал авсан нийт 5,451,900 (таван сая дөрвөн зуун тавин нэг есөн зуу) төгрөгийн зөрчил илэрч зөрчлийг давтан гаргахгүй байх талаар 6 заалт бүхий зөвлөмж өглөө.