Нарийнтээл сумын Ерөнхий боловсролын сургуулийн 2024 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2024 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2024 оны 07 дугаар сарын 02-ны өдөр баталсан 29/09 тоот удирдамжийн дагуу Нарийнтээл сумын Ерөнхий боловсролын сургуулийн  2024 оны 1-ээс 10 сарын санхүүгийн үйл ажиллагаанд хяналт шалгалтыг хийлээ.

Нарийнтээл сумын Ерөнхий боловсролын сургуулийн 2024 оны эхний 10 сарын байдлаар санхүүгийн үйл ажиллагаанд хяналт шалгалтыг хийхэд харилцагч байгууллагуудтай эхний хагас жилээр тооцоо нийлсэн актыг үйлдээгүй, бараа материал, үндсэн хөрөнгийн үлдэгдэлд тооцоо бодсон баримтаар баталгаажуулаагүй, нягтлан бодогчийн ажлыг хүлээлцэхдээ тооллого явуулж, тооцоо бодоогүй, хүнсний тайланд тогооч нар нярваас хүлээн авсан хүнсний материалаар талх боорцог хийснийг дахин орлого авч зарцуулснаас худалдан авсан, сургуулийн гал тогоогоор хийгдсэн аль нь болохыг хянахад хүндрэлтэй, зарим хүнсний нэгжийн үнийг андуурч бичсэн, хүнсний материал зарлагадахаар бичсэн гал тогооны захиалгын хуудсыг дахин сайтар шалгаагүй, нягтлан бодогч нар хүнсний тайланг сайтар шалган хүлээж аваагүй, үдийн цайны нормативт зардлыг хэтрүүлсэн, дотуур байрны хүүхдийн бүртгэлд бага, дунд анги, ахлах ангийн хэдэн хүүхэд хамрагдаж байгааг тодорхой бичдэггүй, бичиг хэргийн тайлан, шатахууны тайлан, аж ахуйн материалын тайланг бараа материалын нэр төрөл бүрээр дэлгэрэнгүй бүрэн гүйцэд гаргаагүй зөрчил давтан гарсан нь байгууллагын дарга, дотоод хяналтын нэгж хяналтыг бүрэн хэрэгжүүлж ажиллаагүйгээс эдгээр зөрчлүүд гарсан байна гэж дүгнэлээ.

Энэ удаагийн шалгалтаар үдийн цайны нормативт зардлыг 243,180 (хоёр зуун дөчин гурван мянга нэг зуун ная) төгрөгийг илүү зарцуулсан зөрчил гарч, 10 заалт бүхий зөвлөмж өглөө.