Аймгийн Музейн 2023 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2024 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2024 оны 10 дугаар сарын 10-ний өдөр баталсан 29/14 тоот удирдамжийн дагуу Аймгийн Музейн 2023 оны санхүүгийн үйл ажиллагаанд хяналт шалгалтыг хийхэд байгууллагын санхүү, нягтлан бодох бүртгэлийн үйл ажиллагаа хэвийн явагдаж, санхүүгийн мэдээ тайланг хугацаанд гарган, харилцагч байгууллагуудтай тооцоо нийлсэн актыг үйлдэн, өмч хөрөнгийн тооллогыг хугацаанд нь явуулж, бараа материалын болон үндсэн хөрөнгийн үлдэгдэлд тооцоо бодон баталгаажуулан ажиллаж ирсэн сайн талууд байгаа боловч Музейн захирал удирдах дээд албан тушаалтны шийдвэргүйгээр тэтгэмж, мөнгөн урамшуулал авдаг, тушаалын хавсралтад өөрийн нэрийг оруулан баталдаг, тушаалыг давхцуулан дугаарладаг, албан хаагчийг ажилд томилохдоо ашиг сонирхлын зөрчилгүйг илэрхийлсэн мэдэгдэл гаргаагүй, хөрөнгө зарцуулах тухай тушаалыг шилэн дансанд байршуулаагүй, ээлжийн амралтын тушаалын хавсралтад 4 хүний нэр дутуу оруулсан, зэрэг нь төсвийн захирагчийн санхүүгийн болон бусад эрх зүйн актуудын талаархи мэдлэг мэдээлэл дутмаг, бодлогын газраас  мэргэшил арга зүйн зөвлөгөө өгдөггүй,  бичиг хэргийн ажилтан тушаал болосруулахдаа хайнга хандсан, албан хэрэг хөтлөлтийн үйл ажиллагаанд тавих шат дараалсан болон дотоод хяналт сул зэрээс үүдэлтэй байна.

Энэ удаагийн шалгалтаар тушаал, шийдвэргүйгээр олгосон тэтгэмж, урамшуулал 8,225,716 (найман сая хоёр зуун хорин таван мянга долоон зуун арван зургаа) төгрөгийн зөрчил илэрч Музейн захиралд олгосон тушаал шийдвэргүй тэтгэмж, урамшууллын асуудал системийн хэмжээнд нийтлэг байгаа, аймгийн Соёл урлагийн газраас хэрэгжүүлэх байсан зохион байгуулалтын асуудалдтай холбоотой гэж үзэн энэ удаад цаашид энэ зөрчлийг давтан гаргахгүй байх талаар анхааруулж зөвлөгөө өглөө.