19 сумдын малын тоо толгойн албан татварын 2023 оны орлого бүрдүүлэлт, зарцуулалтын үйл ажиллагаанд санхүүгийн хяналт шалгалт хийсэн тухай

Аймгийн Засаг даргаар батлуулсан 2024 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2024 оны 04 дүгээр сарын 19-ний өдөр баталсан 29/04 дүгээр удирдамжийн дагуу Өвөрхангай аймгийн 19 сумдын малын тоо толгойн албан татварын 2023 оны орлого бүрдүүлэлт, зарцуулалтын үйл ажиллагаанд хяналт шалгалтыг хийхэд:

Төлөвлөлт: 2023 онд Сангийн сайдын 2021 оны 05 дугаар сарын 24-ний өдрийн 86 дугаар тушаалаар “Орон нутгийн хөгжлийн сангийн үйл ажиллагааны журам” шинэчлэн батлагдаж мөрдөж ажиллажээ. Сангийн журмын 2.8-д “Энэ журмын 2.5, 2.6 болон 2.7-д заасан орон нутгийн хөгжлийн сангийн хөрөнгөөр хэрэгжүүлэх хөрөнгө оруулалт, хөтөлбөр, төсөл, арга хэмжээ бүрийг тухайн шатны ИТХ хэлэлцэн батална.”, 2.9-д “Аймаг, нийслэл, сум, дүүргийн орон нутгийн хөгжлийн сангийн төсөвт орсон өөрчлөлтийг орон нутгийн төсвийн тодотголын төсөлд тусган “Төсвийн тухай” хуульд заасны дагуу боловсруулж батлуулна” гэсэн заалтын дагуу сумдын ИТХурлууд 2022 оны 12 дугаар сард “Сумын 2023 оны төсөв батлах тухай” тогтоолоор малын тоо толгойн албан татварын орлогоор хэрэгжүүлэх хөрөнгө оруулалт, хөтөлбөр, төсөл арга хэмжээний жагсаалтыг аймгийн хэмжээнд 3,351,505,500 (гурван тэрбум гурван зуун тавин нэгэн сая таван зуун таван мянга таван зуу) төгрөгөөр баталсан. 

Дэлгэрэнгүйг энд дарж үзнэ үү.