Өлзийт сумын Сургуулийн өмнөх боловсролын байгууллагын 2022 оны санхүүгийн үйл ажиллагаанд хяналт шалгалтын тухай

    Санхүүгийн  хяналт, дотоод аудитын  албаны  даргын  үүргийг  түр орлон  гүйцэтгэгчийн  2023  оны  06  дугаар  сарын  23-ны  өдөр  баталсан  29/18  тоот удирдамжийн   дагуу  Өлзийт  сумын  Сургуулийн  өмнөх  боловсролын байгууллагын 2022  оны  санхүүгийн  үйл ажиллагаанд хяналт шалгалтыг хийж гүйцэтгэлээ. Шалгалтаар төсөв хөрөнгийг зарцуулахдаа анхан шатны баримтын бүрдэл дутуу байхад зардлыг гаргадаг, эрхлэгчийн тушаалд хуулийн заалтыг дутуу бичсэн, тушаалын дугаарыг засварласан, санхүүгийн баримтад хавсаргасан тушаалын дугаар, эх хувийн дугаар зөрүүтэй, үйлчилгээний албан хаагчдад тушаал шийдвэргүйгээр үр дүнгийн урамшуулал олгосон, ээлжийн амралтын мэдэгдэл бичдэггүй, төлбөрийн и-баримт дутуу байхад ажил гүйлгээг хийдэг, сургалт хөтөлбөрийн зарцуулалтын тайланг хавсаргаагүй, томилолт бодож олгохдоо томилолтын хуудсанд ирсэн буцсан он, сар, өдөр бичигдээгүй, олгохыг зөвшөөрч баталгаажуулалт хийгдээгүй, гарын үсэггүй, ажлын тайлан байхгүй байхад томилолтыг олгосон, бэлэн мөнгө олгохыг хүссэн өргөдөл дээр нягтлан бодогч олгохыг зөвшөөрсөн бичилтийг хийгээгүй байхад томилолт олгосон, бараа материалын  шаардах хуудсанд нягтлан бодогч болон байгууллагын даргын гарын үсэггүй, зөвшөөрсөн болон олгосон тоо хэмжээг бичдэггүй, хүчин төгөлдөр бус анхан шатны баримтаар бараа материалыг зарлагадсан, төрийн сан гүйлгээг хийхдээ анхан шатны баримтын бүрдлийг хянадаггүй, баталгаажуулалт хийж гүйлгээ хийсэн тэмдэг, гарын үсэг байхгүй байхад 18 төлбөрийн хүсэлтийн гүйлгээг шивж баталгаажуулсан, хагас болон бүтэн жилийн тооллогыг ор нэр төдий хийдэг, дотоод хяналтын журамгүй, ажлын төлөвлөгөөгөө баталгаажуулаагүй, дотоод хяналтын зураглал байхгүй зэрэг зөрчлүүд илэрлээ.