Аймгийн Гамшгаас хамгаалах, эрсдэлийг бууруулах арга хэмжээний зардлын 2021 оны санхүүгийн үйл ажиллагаанд хяналт шалгалт хийсэн тухай

Санхүүгийн хяналт, аудитын албаны даргын 2022 оны 06 дугаар сарын 13-ний өдөр баталсан 29/12 тоот удирдамжийн дагуу аймгийн Гамшгаас хамгаалах, эрсдэлийг бууруулах арга хэмжээний зардлын 2021 оны санхүүгийн үйл ажиллагаа, арга хэмжээний зардлын захиран зарцуулалт, анхан шатны болон нягтлан бодох бүртгэл хөтлөлтийн байдал санхүүгийн мэдээллийн үнэн зөв, цаг хугацаандаа бэлтгэгдэх байдалд шалгалтыг хийж гүйцэтгэлээ. Тухайн байгууллагуудын санхүү, нягтлан бодох бүртгэлийн үйл ажиллагаа тасралтгүй явагдаж, санхүүгийн тайлан баланс, ажил гүйлгээний мэдээ тайланг хуулийн хугацаанд гаргаж хэвшсэн боловч анхан шатны баримтын бүрдэлд и-баримтыг хавсаргаагүй, аймгийн өвс тэжээлийн аюулгүйн нөөцөөс сумдад олгож байгаа өвс, тэжээлийг хүлээлцэж, гарын үсгээр баталгаажуулаагүй зөрчил илэрлээ.

Энэ удаагийн шалгалтаар и-баримттай холбоотой 11466,9 мянган төгрөгийн зөрчил илэрч тухайн байгууллагын нягтлан бодогч нарт цаашид анхан шатны баримтад и-баримтыг бүрэн хавсаргаж ажиллахыг анхааруулж ажиллаа.