Монгол бичгийн үндэсний хөтөлбөр III, Монгол хэлний тухай хуулийг хэрэгжүүлэх ажлын хүрээнд явагдаж буй Үндэсний бичгийн хичээлд Санхүүгийн хяналт, аудитын албаны албан хаагчид 2 долоо хоногийн хугацаанд Ерөнхий боловсролын 2-р сургуулийн Монгол хэл бичгийн багш, Монгол улсын тэргүүлэх зэргийн багш А.Түгжсүрэнгийн удирдлага дор амжилттай суралцаж дууслаа. Хичээлд танхимаар болон цахимаар суралцаж, шударга зөв уншиж, хичээнгүй сайхан бичиж сурлаа.

Хичээл эхлэхэд нийт албан хаагчдын 43% нь тодорхой хэмжээнд уншдаг, 28,5% нь бичгийн анхан шатны мэдлэгтэй байсан бол хичээлд сууснаар албан хаагчид 100% уншиж сурсан ба 1 минутад 32-90 үг уншиж, бүх албан хаагчид хичээнгүй бичгийн тэгт суралцан, зөв бичгийн анхан шатны мэдлэгтэй болсон амжилтыг гаргалаа.

Хичээлийнхээ төгсгөлд “Хичээнгүй бичигтэн”, “Уншлагын аварга” тус тус шалгаруулж урамшуулсан ба хичээл заасан багш манай байгууллагын нэрийг Монгол бичгийн уран бичлэгээр бичиж дурсгав.

Хичээлийг удирдаж явуулсан ЕБ-ын 2 дугаар сургуулийн Монгол хэл бичгийн багш, Монгол улсын тэргүүлэх зэргийн багш А.Түгжсүрэн танд талархал илэрхийлье.