Хужирт сумын Орон нутгийн хөгжлийн сангийн 2024 оны санхүүгийн үйл ажиллагаанд хяналт шалгалт хийж гүйцэтгэлээ.

Аймгийн Засаг даргаар батлуулсан 2025 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын газрын 2025 оны 06 дугаар сарын 06-ны өдөр баталсан 29/15 дугаар удирдамжийн дагуу Хужирт сумын Орон нутгийн хөгжлийн сангийн 2024 оны санхүүгийн үйл ажиллагаанд хяналт шалгалтыг хийхэд тендерийн баримт бичигт худалдан авах ажиллагааны А-3 сертификатыг бүрэн хавсаргаагүй, нээлтийн тэмдэглэл хийсний  дараа үнэлгээний хорооны гишүүд ашиг сонирхлын зөрчлийн мэдүүлэг гаргаагүй, үнэлгээний хорооны зөвлөмжид огноо, дугаар байхгүй, зарим тендерт зөвлөмж бичээгүй, тендерийн баримт бичигт гэрээ байгуулах эрх олгох тухай захирамж шийдвэр, тухайн бэлтгэн нийлүүлэгч байгууллагатай байгуулсан гэрээг хавсаргаагүй, эрэмбэлсэн саналын тоо иргэдээс ирүүлсэн саналын тооноос зөрүүтэй, тедерт оролцсон аж ахуй нэгж байгууллагын холбогдох баримтуудыг дутуу хавсаргасан, малын тоо толгойн албан татварын ноогдлыг дутуу хийж, авлага дутуу тусгасан, захирамж шийдвэргүйгээр төлөвлөсөн зардлаас илүү зарцуулсан зэрэг зөрчлүүд гарсан.

Энэ удаагийн шалгалтаар төлөвлөсөн зардлаас илүү зарцуулсан 300,000 (гурван зуун мянга),  дутуу тусгасан малын тоо толгойн албан татвар 4,410,600 (дөрвөн сая дөрвөн зуун арван мянга зургаан зуу) төгрөгийн зөрчил илэрч , татвар дутуу ноогдуулж, санхүүгийн тайланд авлагыг тусгаагүй орхигдуулсан зөрчлийг арилгуулахаар улсын ахлах байцаагчийн албан шаардлага өгч,  6 заалт бүхий зөвлөмжийг өглөө.