Арвайхээр сумын 4 дүгээр цэцэрлэгийн 2023 оны санхүүгийн үйл ажиллагаанд хяналт шалгалт хийсэн тухай

Аймгийн Засаг даргаар батлуулсан 2024 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2024 оны 08 дугаар сарын 26-ны өдөр баталсан 29/11 тоот удирдамжийн дагуу Арвайхээр сумын 4 дүгээр цэцэрлэгийн  2023 оны санхүүгийн үйл ажиллагаанд хяналт шалгалт хийлээ.

Тухайн байгууллагын санхүү, нягтлан бодох бүртгэлийн үйл ажиллагаа тасралтгүй явагдаж, санхүүгийн тайлан баланс, ажил гүйлгээний мэдээ тайланг гаргаж хэвшсэн боловч бараа материал, үндсэн хөрөнгийн үлдэгдэлд тооцоо бодсон актыг үйлдээгүй, тооллогын комисс илтгэх хуудаст гарын үсгээ зурж баталгаажуулаагүй, мөн тооллогын бүртгэлд эд хариуцагчаар гарын үсэг зуруулаагүй, цалин, ээлжийн амралтын цалин давхардуулан олгосон, цалин олгохоос өмнө тушаал гаргаагүйгээс ажилчдын цалин илүү, дутуу бодогдох, хяналт шалгалтаар зөрчил нэмэгдэх, төлбөрийн акт тавигдах эрсдлийг дагуулсан, тушаалын дугаар давхцуулсан, хүүхдийн хоолны нормативт зардлыг хэтрүүлэн зарцуулсан, дотоод хяналтын нэгж нь санхүүгийн үйл ажиллагаанд хяналт тавьдаггүй зөрчлүүд илэрлээ.

Энэ удаагийн шалгалтаар төсвийн зардал хооронд зохицуулалт хийлгүйгээр зориулалт бусаар зарцуулсан 8,155,000 төгрөг, цалин илүү, дутуу олгосон 1,676,925 төгрөг, хүүхдийн хоолны нормативт зардлыг хэтрүүлэн зарцуулсан 3,580,786 төгрөгийн нийт 13,412,711 төгрөгийн зөрчил илэрч, илүү олгосон ээлжийн амралтын цалин, цалин 486,496  төгрөгийг төлүүлэхээр, дутуу олгосон ур чадварын нэмэгдэл 334,250 төгрөгийг нөхөн олгуулахаар улсын ахлах байцаагчийн акт тогтоож 9 заалт бүхий зөвлөмж хүргүүллээ.