Хархорин сумын ерөнхий боловсролын гүнзгий сургуулийн 2022 оны санхүүгийн үйл ажиллагаанд шалгалт хийсэн тухай

    Аймгийн Засаг даргаар батлуулсан 2023 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын 2023 оны 10 дугаар сарын 12-ны өдөр баталсан 29/23 тоот удирдамжийн дагуу Хархорин сумын гүнзгий сургуулийн 2022 оны санхүүгийн үйл ажиллагаанд түүний зарцуулалтын байдал, худалдан авалтыг сонгон шалгаруулалт, үр дүн, өмч хөрөнгийн ашиглалт, хадгалалт хамгаалалт, анхан шатны болон нягтлан бодох бүртгэлийн хөтлөлт, цалин хөлс, хүүхдийн хоолны норм норматив, санхүүгийн тайлан гаргалтын байдлыг шалгаж санхүүгийн үйл ажиллагааны үр дүнд үнэлэлт дүгнэлт өгч ажиллалаа.

Шалгалтаар шалгалтаар анхан шатны баримттай холбоотой 2,958,550 (хоёр сая есөн зуун тавин найман мянга таван зуун тавин тавь), зориулалт бус зарцуулалт 855,300 (найман зуун тавин таван мянга гурван зуу), тушаал шийдвэргүйгээр зарцуулсан 2,372,945 (хоёр сая гурван зуун далан хоёр мянга есөн зуун дөчин тав) төгрөг, нийт 6,186,795 (зургаан сая нэг зуун наян зургаан мянга долоон зуун ерэн тав) төгрөгийн зөрчлийг илрүүлж, цаашид давтан гаргахгүй байх 7 заалт бүхий зөвлөмжийг өглөө.