Арвайхээр сумын Ерөнхий боловсролын 4 дүгээр сургуулийн 2022 оны санхүүгийн үйл ажиллагаанд шалгалт хийсэн тухай

    Аймгийн Засаг даргаар батлуулсан 2023 оны гүйцэтгэлийн төлөвлөгөө, Санхүүгийн хяналт, дотоод аудитын албаны даргын үүргийг түр орлон гүйцэтгэгчийн 2023 оны 06 дугаар сарын 07-ны өдрийн 29/15 тоот удирдамжийн дагуу Арвайхээр сумын Ерөнхий боловсролын 4 дүгээр сургуулийн 2022 оны санхүүгийн үйл ажиллагаанд, түүний зарцуулалтын байдал, худалдан авалтыг сонгон шалгаруулалт, үр дүн, өмч хөрөнгийн ашиглалт, хадгалалт хамгаалалт, анхан шатны болон нягтлан бодох бүртгэлийн хөтлөлт, цалин хөлс, хүүхдийн хоолны норм норматив, санхүүгийн тайлан гаргалтын байдлыг шалгаж санхүүгийн үйл ажиллагааны үр дүнд үнэлэлт дүгнэлт өгч ажиллалаа.

    Шалгалтаар и-баримтгүйгээр хийгдсэн 29,663,802 (хорин есөн сая зургаан зуун жаран гурван мянга найман зуун хоёр) төгрөг, анхан шатны баримтын бүрдэл дутуу 16,718,322 (арван зургаан сая долоон арван найман мянга гурван зуун хорин хоёр) төгрөг, шилэн дансанд ил тод болгоогүй 8,651,900 (найман сая зургаан зуун тавин нэгэн мянга есөн зуу) төгрөг нийт 55,033,124 (тавин таван сая гучин гурван мянга нэг зуун хорин дөрөв) төгрөгийн зөрчлийг илрүүлж цаашид давтан гаргахгүй байх 6 заалт бүхий зөвлөмжийг өглөө.