Өлзийт сумын Орон нутгийн хөгжлийн сангийн 2022 оны санхүүгийн үйл ажиллагаанд хийсэн хяналт шалгалтын танилцуулга

Санхүүгийн хяналт, дотоод аудитын албаны даргын үүргийг түр орлон гүйцэтгэгчийн 2023 оны 06 дугаар сарын 21-ний өдөр баталсан 29/17 тоот удирдамжийн дагуу Өлзийт сумын Орон нутгийн хөгжлийн сангийн 2022 оны санхүүгийн үйл ажиллагаанд хяналт шалгалтыг хийж гүйцэтгэлээ. Орон нутгийн хөгжлийн сангийн санхүүгийн үйл ажиллагаа, худалдан авах ажиллагаа, нягтлан бодох бүртгэлийн үйл ажиллагаа хэвийн явагдаж ирсэн боловч  тендерийн үнэлгээний хорооны гишүүд ашиг сонирхлын зөрчилгүй гэсэн мэдэгдлээ гаргахдаа удирдах дээд албан тушаалтнаар баталгаажуулдаггүй, шууд худалдан авалтаар хийгдсэн ажлыг хүлээн авах ажлын хэсгийн гишүүд ашиг сонирхлын зөрчилгүй гэдгээ илэрхийлэх зөрчил үүссэн тухай мэдэгдэл гаргадаггүй, тендерийн материалд нээлтийн тэмдэглэл байхгүй, хөндлөнгийн гишүүний гарын үсэг дутуу, зардлыг И-баримт дутуу байхад шилжүүлдэг, анхан шатны санал хураалтын хүрээнд өрхүүдэд хангалттай саналын хуудсыг хүргүүлээгүй, эрэмбэлсэн саналын тоо иргэдээс ирүүлсэн саналын тооноос зөрүүтэй, баяр наадмын зардлыг давхардуулан ОНХС-аас гаргадаг, шууд худалдан авалтын аргаар гүйцэтгэсэн 1 ажилд гэрээ байгуулаагүй, хүлээн авах ажлын хэсгийг томилсон тушаал байхгүй, ажлын гүйцэтгэлд тавих явцын хяналтыг хийсэн тухай ямар нэгэн баримт бичиг, тайлан байхгүй, хяналт хийсэн тухай мэдээллийг Иргэдийн төлөөлөгчдийн хуралд танилцуулж ажиллаагүй зэрэг зөрчлүүд гарсан нь “Төсвийн тухай”, “Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай” хуулиуд, Монгол Улсын Засгийн газрын “Жишиг хэмжээг шинэчлэн тогтоох тухай” 2010 оны 10 дугаар сарын 20-ны өдрийн 271-р тогтоол, Орон нутгийн хөгжлийн сангийн журмын заалтуудыг үйл ажиллагаандаа бүрэн гүйцэд мөрдөж ажиллаагүйтэй холбоотой байна. Илэрсэн зөрчлийг арилгуулахаар 7 заалт бүхий зөвлөмжийг өгч ажиллалаа.