АРВАЙХЭЭР СУМЫН ЗАСАГ ДАРГЫН НӨӨЦ ХӨРӨНГИЙН 2022 ОНЫ САНХҮҮГИЙН ҮЙЛ АЖИЛЛАГААНД ХЯНАЛТ ШАЛГАЛТ ХИЙЖ ГҮЙЦЭТГЭЛЭЭ

Санхүүгийн хяналт, дотоод аудитын албаны даргын 2023 оны 02 дугаар сарын 02-ны өдөр баталсан 29/04 тоот удирдамжийн дагуу Арвайхээр сумын Засаг даргын нөөц хөрөнгийн 2022 оны санхүүгийн үйл ажиллагаанд хяналт шалгалтыг хийж гүйцэтгэлээ.
    Засаг даргын нөөц хөрөнгийн зориулалт, зарцуулалтын байдлыг шалгахад  Авлигатай тэмцэх газраас 2019 онд хийгдсэн шалгалтаар илэрсэн зөрчилд Монгол улсын Засгийн газарт өгсөн зөвлөмжийн хэрэгжилтийг хангаж ажиллаагүй шагнал, урамшуулал, журмын зарим заалтуудыг захирамжийн үндэслэлд буруу тусгасан, зарим байгууллагуудын дутагдсан санхүүжилтийг нөхдөг, журмын хэрэгжилтэд хяналт тавьдаггүй, захирамжид хүчингүй болсон Сангийн сайдын тушаалыг үндэслэсэн, журмын зарим заалт хэрэгждэггүй, анхан шатны баримтын бүрдэлд и-баримтыг хавсаргаагүй зэрэг зөрчлүүд илэрч, зөрчлийг арилгах, давтан гаргахгүй байх 4 заалт бүхий зөвлөмжийг өглөө.